Help
Calculate
FAQ
News
Банк бус санхүүгийн байгууллага жилийн 8 хувийн хүүтэй ипотекийн зээл олгож эхэллээ.
Ерөнхий мэдээ мэдээлэл • 2017.04.21
Банк бус санхүүгийн байгууллага жилийн 8 хувийн хүүтэй ипотекийн зээл олгож эхэллээ.

Банк бус санхүүгийн байгууллага жилийн 8 хувийн хүүтэй, ипотекийн зээл олгож эхэлсэн нь Арилжааны банкнаас бусад монголын санхүүгийн салбарынхан дундаас анхных болж байна. Валютаар цалинждаг, валютын тогтмол орлоготой бизнес эрхлэгчдэд болон гадаадад ажиллаж, амьдарч байгаа Монгол иргэддээ зориулан Инвескор ББСБ-аас гаргаж байгаа энэ зээлийн бүтээгдэхүүн ам.долларынх байх юм.

Энэхүү зээлийн хугацаа, хүү нь Монголбанкнаас арилжааны банкуудаар дамжуулан хэрэгжүүлж байгаа Ипотекийн зээлийнхтэй яг адилхан боловч орон сууцны талбайн хэмжээнд ямар нэг хязгаарлалт тавиагүй, хурдан шуурхай, хялбар шийдэгддэгээрээ давуу талтай юм. Тус зээл нь одоогийн байдлаар Sunshine village, Shinecity хотхон зэрэг тодорхой төслүүдийн орон сууцны санхүүжилтэд олгож, үл хөдлөх хөрөнгө хөгжүүлэгч компаниудтай хамтран ажиллаж байгаагаараа илүү бодитой юм. Цаашид хамтран ажиллах үл хөдлөх хөрөнгийн компани, төслүүдийнхээ тоог улам нэмэгдүүлнэ гэж Инвескор ББСБ-ын захирал Д.Баясгалан ярьж байна.

ББСБ-ын ипотекийн зээл нь басхүү барилгын салбарыг дэмжин хөдөлгөөнд оруулснаар эдийн засгийн өсөлтөд бодит түлхэц болно. Ам.долларын ипотекийн зээл нь ханшийн савлагаанд өртөх эрсдэлтэй гэж иргэд болгоомжилж буй нь лавтай. Ялангуяа энэ зээл гадаадад оршин суугаа иргэдийн эх орондоо орон сууц худалдан авах таатай нөхцлийг бий болгосноор Монгол Улсын санхүүгийн зах зээлд орж ирэх ам.долларын нөөцийг нэмэгдүүлэх ач холбогдолтой.

Зах зээл дээрх дунд болон жижиг хэмжээний санхүүгийн байгууллагуудын гадаад зах зээл рүү хандсан энэхүү идэвхтэй үйл ажиллагаа төгрөгийн ханшийг чангаруулах эерэг нөлөөтэй юм.
 

Other news
  • General news • 2020/10/01

    “Investor NBFI” JSC aims to maintain the quality of its loan portfolio for the rest of the year.

  • General news • 2020/04/10

    “Invescore NBFI” JCS organized its regular shareholders meeting.

  • General news • 2021/4/28

    “Invescor NBFI” JSC has started the introduction of ISO 9001 International Standard.

  • General news • 2019/05/22

    Open securities introduction successfully completed.

  • General news • 2019/12/22

    Entrepreneur 2019: Awarded for best NBFI